کراچی(آئی این پی) یوکرین کی یونیورسٹی کی پروفیسر ڈاکٹراولینا بورڈیلوسکا نے کہاکہ یوکرین دنیا کا وہ واحد ملک ہے جس نے اپنے ایٹمی ہتھیارتلف کردیئے تھے اور آج بھی سنگین خطرات کے باوجود اپنی بہترین سفارتکاری کی پالیسیوں اور حکمت عملی کے باعث اقوام عالم میں اپنی جگہ بنائے ہوئے ہے۔یوکرین ماضی میں تین بین الاقوامی قوتوں کے زیر اثر رہا جن میں روس ،پولینڈاور سلطنت عثمانیہ شامل ہیں۔
یوکرین جویورپ کا دوسرا بڑاملک ہے،وہاں مسلمانوں کی آبادی کل آبادی کا تقریباً ایک فیصدہے، یوکرین اور پاکستان کے بین الاقوامی معاملات میں کافی چیزیں مشترک ہیں اور دونوں ممالک اپنے تجربات سے ایک دوسرے کو مستفید کرسکتے ہیں۔ان خیالات کا اظہار انہوں نے جامعہ کراچی کے اسٹوڈنٹس گائیڈنس اینڈ کونسلینگ بیورو کے زیر اہتمام منعقدہ سیمینار سے خطاب کرتے ہوئے کیا۔اس موقع پر رئیس کلیہ سماجی علوم پروفیسر ڈاکٹر محمد احمد قادری ،اعزازی کونسل آف یوکرین انجینئر عبدالجبار میمن ،ڈائریکٹر اسٹوڈنٹس گائیڈنس اینڈ کونسلینگ بیورو جامعہ کراچی ڈاکٹر معیز خان اور شعبہ بین الاقوامی تعلقات کی چیئر پرسن پروفیسر ڈاکٹر شائستہ تبسم بھی موجودتھیں۔ڈاکٹر معیز خان نے مہمان مقررکا تعارف پیش کیا اور انجینئر عبدالجبارمیمن نے صدارت کی۔عبدالجبار میمن نے کہا کہ بین الاقوامی تعلقات اور عصر حاضر کا تقاضہ یہ ہے کہ پاکستان اور یوکرین کے اسکالرز کے مابین مستقبل بنیادوں پر روابط قائم کئے جائیں،اس موقع پر رئیس کلیہ سماجی علوم پروفیسر ڈاکٹر محمد احمد قادری نے پروفیسر ڈاکٹر اولینا بورڈیلوسکا کو ریسرچ جرنل آف سوشل سائنسز کے ایڈیٹوریل بورڈ میں شمولیت کی دعوت دی انہوں نے قبول لرلی۔ پروفیسر ڈاکٹر اولینا بورڈیلوسکا کو ریسرچ جرنل آف سوشل سائنسز کے ایڈیٹوریل بورڈ میں شمولیت کی دعوت دی انہوں نے قبول لرلی۔
