واشنگٹن(این این آئی)’’امن سب کے لیے‘‘ کے عنوان سے پاک امریکا دوستی کے70برس مکمل ہونے پرپاکستانی سفارت خانہ واشنگٹن میں رنگارنگ تقریب کاانعقادکیاگیا ۔ جس میں پاکستانی اور امریکی شہریوں کی بڑی تعدادموجودتھی۔غیرملکی خبررساں ادارے کے مطابق اس موقع پر سفیر پاکستان اعزازچوہدری نے تقریب سے خطاب کرتے ہوئے کہاکہ پاکستان دنیا بھرکوامن کاپیغام دیناچاہتاہے۔

تقریب میں شریک پاکستانی اور امریکی فنکاروں نے قومی دھنوں پر ٹیبلوز پیش کییاور ڈھول کی تھاپ پر بھنگڑے بھی ڈالے۔اعزاز احمد چوہدری کا کہنا تھا کہ 70سالہ تقریبات کا مقصددنیا کیلئے امید،محبت اور دوستی ہے۔تقریب میں پاکستان کے روایتی زیورات اور ملبوسات کی نمائش بھی کی گئی۔