یوکوہاما(آئی این پی)چین کے وزیر زراعت زیائو جی نے ایشیائی ترقیاتی بینک پر زور دیا ہے کہ وہ عالمگیریت کے معاشی ثمرات مختلف ایشیائی معیشتوں ،سماجی طبقوں اور عوام تک پہنچانے کے لئے اپنا مثبت کردار ادا کرے ،
عالمی معیشت میں اس وقت بڑے مواقع موجود ہیں کیونکہ عالمگیریت کو بڑے چیلنجز کا سامنا ہے،دولت کی غیر منصفانہ تقسیم اور شمال اور جنوب کے درمیان معاشی فرق واضح ہے،ایشیاء دنیا کی آدھی سے زیادہ آبادی کا خطہ ہے اور اس سے بھی بڑی مشکلات کا سامنا ہے جبکہ 300ملین زیادہ افراد غربت میں زندگی بسر کررہے ہیں ۔ان خیالات کا اظہار چینی وزیر خزانہ زیائو جی نے یہاں ایشیائی ترقیاتی بینک کے بورڈ آف گورنر کے 50ویں سالانہ اجلاس سے خطاب کرتے ہوئے کیا ۔انہوں نے کہا کہ ایشیائی ترقیاتی بینک کو جدت کے فروغ کیلئے ترقیاتی نظریات کو مزید آگے بڑھانا چاہئے اور اختراعات کے میکنزم اور ٹیکنالوجی میں نئی نئی ایجادات کو پھیلانا چاہئے تا کہ ایشیاء میں مساوی خوشحالی کا خواب شرمندہ تعبیر ہو سکے ۔انہوں نے کہا کہ بیلٹ اینڈ روڈ منصوبے کے ساتھ وابستہ ممالک میں تعاون کو مزید فروغ دیا جانا چاہئے۔ توقع ہے کہ ایشیائی ترقیاتی بینک عملی اتحاد کے فروغ اور دیگر علاقوں کو ایک دوسرے سے منسلک کرنے اور علاقائی تعاون کو دلچسپی رکھنے والی پارٹیوں میں تعاون کو مزید فروغ دے گا ، چین ایشیائی ترقیاتی بینک کے ساتھ مل کر مشترکہ طورپر غربت کے خاتمے اور ایشیائی ممالک علاقوں میں خوشحالی کیلئے ہر طرح کا تعاون کرنے کے لئے تیار ہے، ایشیائی ترقیاتی بینک کے گورنرز ،سرکاری افسران اور کاروباری شخصیات دنیا بھر سے 50ویں سالانہ اجلا س میں شرکت کیلئے یہاں پہنچے تھے ، بینک کا اجلاس جمعرات سے اتوار تک جاری رہا ۔
