پشاور (مانیٹرنگ ڈیسک) بیجنگ روڈ شو کے دوران خیبرپختونخوا حکومت اور چینی حکام کے درمیان پشاور میں سی پیک کلچر کمیونیکیشن سنٹر کے قیام سمیت دیگر منصوبوں کیلئے معاہدے طے پا گئے اور اس سلسلے میں معاہدوں پر دستخط بھی کر دئیے گئے ہیں‘ چینی حکام اور ڈائریکٹر کلچر خیبر پی کے اجمل خان نے معاہدوں پر دستخط کئے۔اس موقع پر وزیر اعلیٰ

خیبر پی کے پرویز خٹک، معاون خصوصی وزیر اعلیٰ عبدالمنعم خان اور سیکرٹری سیاحت وثقافت طارق خان بھی موجود تھے ،بیجنگ میں جاری خیبرپی کے کے روڈ شو کے دوران چینی کمپنیوں نے خیبرپی کے میں ثقافتی سرگرمیوں کے فروغ کے حوالے سے بھی منصوبوں میں دلچسپی لی اور پشاور میں سی پیک کلچر کمیونیکیشن سنٹر کے قیام کا معاہدہ طے پا گیا۔

موضوعات:چین خیبر پختونخواہ