کابل(مانیٹرنگ ڈیسک)امریکا نے روس پر طالبان کو ہتھیار فراہم کرنے کاالزا م عائد کیاہے ، امریکی وزیردفاع جم میٹس کا کہنا ہے کہ روس کا سامنا کریں گے۔مزار شریف میں افغان طالبان کے بڑے حملے پر امریکا اور افغانستان شدید پریشانی میں مبتلاہیں، ہنگامی دورے پر افغانستان آئے امریکی وزیر دفاع نے میڈیا بریفنگ کے دوران اس الزام کی
تردید نہیں کی کہ روس طالبان کو ہتھیار فراہم کررہاہے۔انہوں نے کہا کہ بین الاقوامی قوانین کی خلاف ورزی پر امریکا روس کا سامنا کرے گا، واضح رہے کہ امریکہ وزیر دفاع کے مذکورہ بیان سے خطے میں ایک بار پھر سٹریٹجک ہلچل پیدا ہو گئی ہے، جبکہ دوسری جانب روس اس سے پہلے بھی طالبان کو ہتھیار فراہم کرنے کی تردید کرچکا ہے ۔
