نئی دہلی (این این آئی )بھارتی شہریوں کو عنقریب پٹرول اور ڈیزل انکے دروازے پر ملے گا ۔بھارتی ٹی وی کے مطابق بھارت میں جلد دودھ فروش اور اخبار فروش کی طرح لوگوں کو پٹرول اور ڈیزل فروش بھی نظر آئیں گے جو انہیں دروازے پر آکر یہ سہولت فراہم کریں گے ۔بھارتی وزیر پٹرولیم درمیندراپردھان نے اپنے بیان میں کہا کہ دنیا صارفین کو سہولیات فراہم کرنے کیلئے کوشاں ہے جسے مد نظر رکھتے ہوئے ہم نے بھی ای

کامرس پورٹل پر پٹرول اور ڈیزل متعارف کروا رہے ہیں ۔’’فرض کریں آپ صبح 9بجے کام کیلئے نکلتے ہیں تو آپ پورٹل پر جائیں گے اور اپنا آرڈر بک کرائیں گے ، آن لائن ادائیگی کرنے کے بعد پٹرول یا ڈیزل اگلی صبح آپ کے دروازے پر پہنچ جائے گا ۔ان کا کہنا تھاکہ ویلز پر’’منی پٹرول پمپس‘‘ کے خیال کا مقصدلوگوں کیلئے آسانیاں پیدا کرنا ہے ، ان دنوں ایس یو ویز کے فیول ٹینک کی صلاحیت 70سے 80لیٹرز کی ہے جبکہ ہم اس مقصد کیلئے 4سے 5لیٹر والی ایسی ایس یو ویز کے بارے میں سوچ رہے ہیںتاکہ وہ باآسانی لوگوں کی دہلیز تک پہنچ سکیں ۔وزیر پٹرولیم نے کہا کہ اس اقدام سے جہاں آئل مارکیٹ میں لوگوں کیلئے ملازمت کے مواقع پیدا ہونگے وہی خصوصی طور پر دیہی علاقوں میں جہاں کسانوں کو اپنے ٹریکٹرز وغیرہ میں ڈیزل بھروانے کیلئے میلوں کا سفر کرنا پڑتا ہے ان کیلئے بہت زیادہ آسانی ہو گی جبکہ رٹیل مارکیٹ میں پٹرول پمپ ڈیلرز کی اجارہ داری بھی ختم ہو گی ۔

موضوعات:بھارتی شہری ڈیزل