ریاض(این این آئی) مکہ، جدہ ہائی وے پر آئل ٹینکر اورکارمیں تصادم، ایک شخص جاں بحق ۔ تفصیلات کے مطابق سعودی عرب میں روڈ حادثے کے دوران آئل ٹینکر میں آگ لگنے کے باعث ایک شخص جاں بحق اور دو گاڑیاں جل گئیں۔عرب میڈیا کے مطابق آئل ٹینکر کو حادثہ مکہ، جدہ ہائی وے پر پیش آیا۔
حادثے کے فورا بعد آئل ٹینکر میں آگ لگ گئی اور 2 کاریں بھی جل گئیں۔سعودی عرب کے سول ڈیفنس کے کارکنوں نے موقع پر پہنچ کر آگ بجھائی۔ سول ڈیفنس کے کارکنوں نے جلی ہوئی گاڑی سے ایک شخص کی لاش نکال لی۔ حادثے کی وجہ جاننے کیلئے تحقیقات شروع کردی گئیں۔
