سرینگر (این این آئی)مقبوضہ کشمیر کے قصبے بارہمولہ میں بھارتی فوج کا ایک سگنل سینٹرآتشزدگی کے واقعے میں تبا ہ ہو گیا ہے۔ کشمیرمیڈیاسروس کے مطابق بھارتی فوج کی 19انفینٹری ڈویژن کے سگنل سینٹر میں آگ جمعرات کی صبح بھڑک اٹھی۔ بھارتی فوج کا کہا ہے کہ سگنل سینٹر کو شدید نقصان پہنچا ہے جبکہ اس میں آگ لگنے کی وجہ کا پتہ لگایا جا رہا ہے۔ دریں اثنا جموں خطے کے علاقے بدھرواہ میں آتشزدگی کے ایک بڑے واقعے میں 25دکانیں اور 14مکانات تباہ ہو گئے۔ بدھرواہ کے علاقے گندواہ میںبٹیاس کے مقام آگ ایک دکان میں بھڑک اٹھی جس نے فوری طور پر ملحقہ دکانوں اور مکانات کو لپیٹ میں لے لیا۔ یاد رہے کہ چند روز قبل بھی گندواہ ہی کے علاقے میں آتشزدگی کے ایک واقعے میں 26دکانیں اور 6رہائشی عمارات خاکستر ہو گئی تھیں۔

موضوعات:بھارت