اسلام آباد(مانیٹرنگ ڈیسک)خالصہ تحریک کے بانی اور ورلڈ مسلم سکھ فاونڈیشن کے چیئرمین منموہن سنگھ نے مودی کو دوسرا ہٹلر قرار دے دیا ،بھارت کو سبق سکھانے کیلئے کلبھوشن کوپھانسی دینے کا مطالبہ۔تفصیلات کے مطابق نجی ٹی وی سے گفتگوکرتے ہوئے خالصہ تحریک کے بانی اور ورلڈ مسلم سکھ فائونڈیشن کےچیئرمین منموہن سنگھ نے کہا ہے کہ ہندوستان میں مسلمانوں، سکھوں اورمسیحیوں کو مارا جارہا ہے۔
بی جے پی، کانگرس، شیو سینا، مہادل اور راشٹریہ سیوک کا ایجنڈا ہندی، ہندو اور ہندوستان ہے۔ ان کا کہنا تھا کہ امیتابھ بچن اورجیابچن نے سکھوں کے قتل عام کومعمولی قراردیا ، یہ ڈرامہ بازی کرتے ہیں۔منموہن سنگھ نے کہا کہ پاکستانی میڈیا کشمیر کے علاوہ بھارت میں جاری آزادی کی تحریکوں کو بھی اجاگر کرنے میں اپنا کردار ادا کرے ۔ بھارت میں جن ریاستوں میں آزادی کی تحریکیں جاری ہیں وہاںبھارتی ریاستی مظالم کی خبر باہر نہیںنکلنے دی جاتی، پاکستانی میڈیا ان مظالم کو اجاگر کرے۔ انھوں نے کہا کہ مودی کادائیں ہاتھ اجیت دوول پاکستان میں5 سال جاسوسی کرتا رہا۔ انہوں نے کہا کہ سانحہ اے پی ایس بھارت نے کرایا، انھیں سبق سکھانے کیلیے کلبھوشن کوپھانسی دی جائے۔ نجی ٹی وی سے گفتگو کے اختتام پر پرخالصہ تحریک کے بانی اور ورلڈ مسلم سکھ فائونڈیشن کے چیئرمین منموہن سنگھ نے پاکستان اورخالصتان کے حق میں نعرے بھی لگائے۔
