کابل /واشنگٹن( آئی این پی ) افغانستان کے صوبے ننگر ہار میں گزشتہ روز امریکہ کی طرف سے داعش کے ٹھکانوں پر پھینکے گئے مدر آف آل بمز ’’نان نیوکلیئر بم‘‘ کے نتیجے میں داعش کے 36 جنگجو مارے گئے ۔ جمعہ کو انٹرنیشنل نیوز ایجنسی سی این این کے
مطابق ننگر ہار میں امریکی بم حملے میں داعش کے 36 جنگجو ہلاک ہو گئے ۔ نان نیوکلیئر حملے میں داعش کی سرنگوں اور زیر زمین ٹھکانوں کو نشانہ بنایا گیا ۔ واضح رہے کہ امریکہ نے گزشتہ روز داعش کے ٹھکانوں پر 21 ہزار پاؤنڈ وزنی نان نیوکلیئر بم گرایا تھا ۔
