اسلام آباد (مانیٹرنگ ڈیسک) نیپالی حکام نے لیفٹیننٹ کرنل (ر) حبیب ظاہر کو بھارت لے جانے کا خدشہ ظاہر کیا ہے، نیپالی پولیس کے مطابق کرنل حبیب ظاہر نیپال میں موجود نہیں تاہم ہو سکتا ہے کہ انہیں بھارت لے جایا گیا ہو، لیفٹیننٹ کرنل (ر) حبیب ظاہر کی گمشدگی کا معاملہ سنگین صورت اختیار کر گیا ہے، نیپالی پولیس نے حبیب ظاہر کو بھارت لے جانے کے حوالے سے خدشے

کا اظہار کرتے ہوئے پاکستانی سفارت خانے کو آگاہ کیا ہے ، نیپالی پولیس کے جواب کے مطابق حبیب ظاہر سے متعلق کوئی سراغ نہیں مل سکا، اس کے علاوہ نیپالی پولیس کو حبیب ظاہر کی سی سی ٹی وی فوٹیج مل گئی ہے جس کے مطابق لیفٹیننٹ کرنل (ر) حبیب ظاہر کو لمبینی ائیرپورٹ پر بھارتی شہری نے ریسیو کیا، اس لیے ہو سکتا ہے کہ انہیں بھارت لے جایا گیا ہو۔‎

موضوعات:حبیب ظاہر