نیویارک(مانیٹرنگ ڈیسک) امریکہ میں پولیس حکام کے مطابق ملک کی پہلی مسلمان خاتون جج نیویارک کے دریائے ہڈسن میں مردہ حالت میں پائی گئی ہیں۔حکام کا کہنا ہے کہ نیویارک کی اعلیٰ عدالت کی جج 65 سالہ شیلا عبدالسلام کی لاش بدھ کو مینہیٹن میں دریا کے مغربی کنارے پر تیرتی ہوئی پائی گئی۔برطانوی خبر رساں ایجنسی روئٹرز نے پولیس ترجمان کے حوالے سے بتایا ہے کہ پولیس نے مکمل لباس میں شیلا کو دریا سے باہر نکالا تو ان کی موت واقع ہو

چکی تھی۔پولیس ترجمان کے مطابق شیلا کے اہلخانہ نے لاش کی شناخت کر لی ہے جبکہ پوسٹ مارٹم کے ذریعے موت کی وجہ معلوم کی جا رہی ہے۔واشنگٹن کی رہائشی شیلا کو 2013 میں اپیل کورٹ کا جج مقرر کیا گیا تھا اور وہ پہلی افریقن امریکی خاتون جج تھیں۔کورٹ آف اپیل کی ویب سائٹ کے مطابق شیلا نے کولمبیا لا سکول سے گریجوئیٹ کیا اور مشرقی بروکلین سے اپنی پیشہ وارانہ زندگی کا آغاز کیا اور نیویارک ریاست کی نائب اٹارنی جنرل کے عہدے پر کام کیا۔