کابل(آئی این پی)امریکہ میں افغانستان کے سفیر حمداللہ محب نے ہرزہ سرائی کرتے ہوئے کہا ہے کہ دہشتگرد اب بھی پاکستان میں محفوظ پناہ گاہوں سے لطف اندوز ہورہے ہیں۔افغان میڈیا کے مطابق حمداللہ محب کا کہنا تھاکہ دہشتگرد گروپ پاکستان میں اب بھی محفوظ پناہ گاہوں سے لطف اندوز ہورہے ہیں جب تک انکے ٹھکانوں
کو پاکستان کی سرزمین پر تباہ نہیں کیا جاتا یہ جنگ ختم نہیں ہوگی۔طالبان کو پاکستان میں طبی سہولیات اور فنڈز جمع کرنے تک رسائی ہے اس لیے اگر ہم افغانستان میں تنازعے کو ختم کرنا چاہتے ہیں تو ہمیں پاکستان میں محفوظ ٹھکانوں کے مسائل کو حل کرنا ہوگا۔امید ہے کہ ٹرمپ انتظامیہ اس مسئلے کو بہت سنجیدگی سے لے گی ۔
