نئی دہلی(آئی این پی )بھارتی حکمران جماعت بھارتیہ جنتا پارٹی کے رکن پارلیمنٹ سبرامینین سوامی نے زہر اگلتے ہوئے کہا ہے کہ اگر پاکستان کلبھوشن یادیو کو سزائے موت دیتا ہے تو بھارت کو چاہیے کہ بلوچستان کو ایک آزاد ملک تسلیم کر لے ۔بھارتی میڈیا کے مطابق انتہا پسند حکمران جماعت بی جے پی کے رکن پارلیمنٹ سبرامینین سوامی نے گزشتہ روز پاکستان کی جانب سے’’ را‘‘ کے جاسوس کلبھوشن یادیو کو سزائے موت کا

حکم سامنے آنے کے بعد اپنے ٹویٹ میں زہر اگلتے ہوئے کہا ہے کہ اگر ایسا ہو گا تو پھر بھارت کو بھی چاہئیے کہ بلوچستان کو ایک آزاد ملک تسلیم کرے ۔انہوں نے مزید کہا کہ اگرکلبھوشن یادیو کے بعد پاکستان مزید ظلم کرتا ہے تو اس کے صوبہ سندھ کو بھی الگ کر دیا جائے گا۔بھارتی حکومت کو چاہیے کہ کلبھوشن یادیو کو سزائے موت دینے کی صورت میں پاکستان کو سنگین نتائج سے خبردار کرے۔

موضوعات:بلوچستان