کابل(آئی این پی)افغان صدر ڈاکٹر اشرف غنی نے سبکدوش ہونے والے پاکستانی سفیر سید ابرار حسین کو الوداعی تقریب کا اہتمام کیا اوردونوں ممالک کے تعلقات کی بہتری کیلئے انکی خدمات کو سراہا۔ منگل کو افغان میڈیا کے مطابق صدارتی محل سے جاری بیان میں کہا گیا ہے کہ افغان صدر ڈاکٹر اشرف غنی نے صدارتی
محل میں سبکدوش ہونے والے پاکستانی سفیر سید ابرار حسین کے اعزاز میں الوداعی پارٹی کا اہتمام کیا۔افغان صدر نے سبکدوش ہونے والے پاکستانی سفیر کے بہتر مستقبل کیلئے نیک خواہشات کا اظہار کیا اوردونوں ممالک کے تعلقات کی بہتری کیلئے انکی خدمات کو سراہا۔ دونوں ممالک کے تعلقات مزید بہترہونگے۔
