اسلام آباد (مانیـٹرنگ ڈیسک) بھارتی انتہا پسندوں کا مسلمانوں کو کچلنے کیلئے خوفناک منصوبہ، سابق بھارتی فوجیوں کو بھرتی کرنے کا فیصلہ کر لیا۔ تفصیلات کے مطابق انتہا پسند تنظیم آر ایس ایس نے مسلمانوں کو کچلنے کیلئے بھارتی فوج کے سابق ہندو سپاہیوں‘ افسروں کو بھرتی کرنے کا فیصلہ کیا ہے جبکہ مسلمانوں کے خلاف کارروائیوں کی منصوبہ بندی کیلئے سابق بیورو کریٹس
کو بھی تنظیم میں شامل اوربھرتی کیا جائے گا۔ اس مقصد کیلئے بھارتی ریاست مغربی بنگال میں آر ایس ایس نے مسلمانوں کے خلاف جذبات بھڑنے کیلئے رام نومی کی تقریبات منعقد کی ہیں اورایک سوچھے سمجھے منصوبے کے تحت جلوسوں میں ہتھیاروں کی نمائش بھی کی۔جلوس میں شامل انتہا پسند ہندو مساجد اور گرجا گھروں کے سامنے شر انگیز نعرے بازی بھی کرتے رہے۔
