جدہ(آئی این پی) سعودی عرب میں ہیروئن اسمگلنگ کا جرم ثابت ہونے پر3 پاکستانی شہریوں کے سر قلم کردیے گے ۔غیر ملکی خبررساں ادارے کے مطابق سعودی عرب میں ہیروئن اسمگلنگ کا جرم ثابت ہونے پر3 پاکستانی شہریوں کو اتوار کے روز سزائے موت دی گئی۔ سعودی پریس ایجنسی کی رپورٹ کے مطابق تین پاکستانی شہریوں پر ہیروئن کے کیپسول نگل کر منشیات اسمگل کرنے کا جرم ثابت ہوا۔رپورٹ کے مطابق جن

پاکستانی شہریوں کے سر قلم کیے گئے ان کی شناخت محمد اشرف ، محمد عارف اور محمد افضل کے نام سے ہوئی ہے۔ان تین پاکستانی شہریوں کی سزائے موت پر عمل درآمد کے بعد رواں برس سعودی عرب میں سزائے موت پانے والے افراد کی تعداد 26 تک پہنچ گئی ہے۔گزشتہ برس سعودی عرب میں 153 افراد کے سر قلم کیے گئے تھے جن میں شیعہ عالم دین نمر النمر بھی شامل تھے۔سعودی عرب میں سخت اسلامی قوانین نافذ ہیں

موضوعات:سعودی عرب