نئی دہلی (آئی این پی )بھارت میں مرکزی وزیر بھی اوباش نوجوانوں کی چھیڑ چھاڑ اور دست درازی کا نشانہ بن گئیں،دارالحکومت نئی دہلی میں اوباش نوجوانوں نے مرکزی وزیر سمرتی ایرانی کو بھی چھیڑ دیا اور گاڑی میں پیچھا کرتے رہے۔بھارتی میڈیا کے مطابق گزشتہ روز بھارتی وزیر ٹیکسٹائل اور ساس بھی کبھی بہو تھی فیم سمرتی ایرانی دفتر سے اپنی رہائشگاہ جانے کیلئے گاڑی میں نکلیں تو ایک کار میں سوار نشے میں دھت 4
نوجوانوں نے ان سے چھیڑ چھاڑ کی، آوازیں کسیں اور گاڑی کا کئی کلومیٹر تک پیچھا کیا۔ سمرتی نے پولیس کو مطلع کیا تو چانکیا پوری تھانے کی ٹیم نے پیچھا کرکے 18 سے 20 سال کے ان نوجوانوں کو گاڑی سمیت قابو میں کرلیا اور حوالات میں بند کر دیا۔واضح رہے کہ بھارت میں ایسے واقعات آئے روزبڑھے رہے ہیں جس میں زیادہ تربھارتی انتہاپسندہندوملوث پائے گئے ہیں ان واقعات سے ظاہرہوتاہے کہ بھارتی معاشرہ گراوٹ کاشکارہے ۔