کیپ ٹاؤن(آئی این پی)جنوبی افریقا کے ذرائع ابلاغ نے انکشاف کیا ہے کہ کیپ ٹان حکومت نے حال ہی میں اقوام متحدہ کو ایک مکتوب ارسال کیا ہے جس میں عالمی ادارے سے مطالبہ کیا گیا ہے کہ وہ ایران کے ساتھ اسلحہ کے لین دین پر عاید پابندیاں اٹھائے تاکہ جنوبی افریقا ایران کو زمین سے فضا میں مار کرنے والے جدید ترین میزائل فروخت کرسکے۔جنوبی افریقا کے اخباررابرٹ نے اتوار کی اشاعت میں شامل ایک خبر میں بتایا
ہے کہ حکومت ایران کے ساتھ تہران کی خواہش کے مطابق زمین سے فضا میں مار کرنے والے اومکونٹو طرز کے میزائل فروخت کرنے کی ڈیل کی خواہاں ہے۔ذرائع ابلاغ کے مطابق اومکونٹو نامی میزائل جنوبی افریقا کی میزائل سیریز میں جدید ترین میزائل ہیں جو ہرطرح کے موسمی حالات میں استعمال کیے جاسکتے ہیں۔ یہ میزائل 23 کلو گرام وزنی وار ہیڈ لے جانے کی بھی صلاحیت رکھتے ہیں مالیت 18 کروڑ ڈالر ہے۔
