کابل(آئی این پی)افغان سیکورٹی فورسز نے مشرقی صوبہ نورستان میں جھڑپ کے دوران کالعدم تحریک طالبان پاکستان کے کمانڈر سمیت 9طالبان شدت پسندوں کو ہلاک کرنے کا دعویٰ کیا ہے ۔پیر کوافغان میڈیا کے مطابق مشرقی بارڈر پر تعینات سینئر پولیس کمانڈر نے بتایا ہے کہ سیکورٹی فورسز کے ساتھ جھڑپ میں 9شدت
پسندوں کو ہلاک کردیا گیا جس میں کالعدم تحریک طالبان پاکستان کا کمانڈر بھی شامل ہے ۔شدت پسندوں کو اس وقت ہلاک کیا گیا جب انھوں نے ڈیورنڈ لائن سے گزر کر افغان بارڈر پولیس کو نشانہ بنانے کی کوشش کی۔جھڑپ کے دوران سیکورٹی فورسز اور رہائشیو ں کا کوئی جانی نقصان نہیں ہوا۔