کولمبو(آئی این پی)دو پاکستانی بحری جہاز سری لنکا کے خیر سگالی دورے پر کولمبو کی بندرگاہ پر پہنچ گئے ۔میڈیا رپورٹس کے مطابق دو پاکستانی بحری جہاز پی این ایس سیف اور پی این ایس نصر خیر سگالی دورے پر کولمبو کی بندرگاہ پر پہنچے ہیں۔پاکستانی بحری جہازوں کی آمد پر انکا رسمی اور بحری روایات کے مطابق
سری لنکا کی بحریہ کی طرف سے استقبال کیا گیا ۔سری لنکا میں اپنے چار روزہ قیام کے دوران بحری جہازکا عملہ دونوں ممالک کی بحری افواج کے درمیان باہمی تعلقات کو مضبو ط کرنے کیلئے نیوی کے زیر اہتمام کئی پروگراموں اور کھیلوں کی سرگرمیوں میں حصہ لے گا۔ 15مارچ کو کولمبو سے وطن واپس روانگی کی توقع ہے ۔
