کھٹمنڈو(آئی این پی)بھارت نے اپنا کام کردکھایا،نیپال کو چین سے قربت مہنگی پڑ گئی،ملک بھرمیں تشویشناک صورتحال،نیپال کا جنوبی حصہ مظاہروں کی وجہ سے مکمل طور پر بند ہوکررہ گیا۔غیرملکی میڈیا کے مطابق نیپال کے جنوبی حصوں میں ہونے والے مظاہروں کے سبب مارکیٹیں، اسکول اور فیکٹریاں بند ہیں۔ یہ مظاہرے گزشتہ روز ایک ریلی کے دوران تین مظاہرین کی ہلاکت کے ردعمل میں شروع ہوئے ہیں۔ قبل ازیں پولیس نے
ہلاک شدگان کی تعداد چار بتائی تھی۔ ایک مقامی پولیس اہلکار نے جرمن خبر رساں ادارے ڈی پی اے کو بتایا کہ بھارتی سرحد کے قریبی ملک کے جنوبی حصے میں زیادہ تر ٹرانسپورٹ بھی بند ہے۔بعض ذرائع اس واقعے میں بھارت کو ملوث قرار دے رہے ہیں ، واضح رہے کہ نیپال اور بھارت میں گزشتہ سال سرحد کی بندش کے معاملے کے بعد سے کشیدگی چلی آرہی ہے اور اس کے بعد سے چین اور نیپال کے تعلقات میں تیزی سے پیش رفت ہوئی۔