کابل(آئی این پی)افغانستان کے مشرقی صوبہ ننگرہار میں سیکورٹی فورسز کے آپریشن میں داعش کے 150جنگجو ہلاک اور زخمی ہوگئے ۔افغان میڈیا کے مطابق صوبائی گورنر کے ترجمان عطااللہ کھوگیانی کا کہنا ہے کہ صوبے میں جاری آپریشن شاہین 25کے دوران داعش کے 150دہشتگرد ہلاک اور زخمی ہوچکے ہیں
جس میں دہشتگرد گروپ کے متعد د کمانڈر بھی شامل ہیں ۔ترجمان نے مزید بتایاکہ اتحادی افواج دہشتگرد گروپ کے خلاف آپریشنز میں افغان سیکورٹی فورسز کی مدد کررہی ہیں۔امریکہ کی جانب سے فضائی مدد بھی حاصل ہے ۔آپریشن شاہین 25چند روز قبل صوبے میں داعش کے شدت پسند وں کے خلاف شرو ع کیا گیا تھا۔
