اسلام آباد(مانیـٹرنگ ڈیسک) یمنی باغی حوثی ملیشیا سے برسرپیکار یمنی سرکاری فوج کو ایک بڑا جھٹکا۔ باغی ملیشیاکے میزائل حملے میں یمنی فوج کے ڈپٹی چیف آف جنرل اسٹاف میجر جنرل احمد سیف الیافعی جاں بحق ہو گئے ۔ غیر ملکی خبر رساں ادارے نے یمنی عسکری ذرائع کے حوالے سے بتایا ہے کہ آج علی الصبح المخا شہر کے قریب
یمنی فوج کے کیمپ پر باغی حوثی ملیشیا کی جانب سے ایک میزائل داغا گیا جس کے نتیجے میں یمنی فوج کے ڈپٹی چیف آف جنرل اسٹاف میجر جنرل احمد سیف الیافعی جاں بحق ہو ئے ہیں جبکہ حملے کے نتیجے میں متعدد فوجیوں کی ہلاکتوں کی بھی اطلاعات ہیں۔
