اسلام آباد(مانیٹرنگ ڈیسک) مقبوضہ کشمیر میں بھارتی فوج پر حملے میں 3فوجی ہلاک جبکہ 4زخمی ہوگئے ، ایک شہری بھی جاں بحق۔ تفصیلات کے مطابق مقبوضہ کشمیر کے علاقے شوپیاں میں پٹرولنگ پر مامور بھارتی فوج کے ایک دستے پرنامعلوم ملزمان نے دھاوا بول دیا جس کے نتیجے میں 3فوجی ہلاک اور 4زخمی ہو گئےجبکہ حملے میں

ایک شہری بھی جاں بحق ہو گیا ہے۔ بھارتی میڈیا نے 3بھارتی فوجیوں کی ہلاکت جبکہ 4کے حملے میں زخمی ہونے کی تصدیق کی ہے۔ حملے میں زخمی فوجیوں کوطبی امداد کیلئے ہسپتال منتقل کر دیا گیا ہے جبکہ اس حملے میں جاں بحق ہونے والے شہری کی شناخت ابھی تک نہ ہو سکی ہے۔