لاہور (آن لائن) پاکستان میں بم دھماکے پوری ملت اسلامیہ اور انسانیت کیلئے افسوسناک ہیں، بے گناہ انسانوں کو قتل کرنے والوں کا اسلام اور مسلمانوں سے کوئی تعلق نہیں ہو سکتا۔ یہ بات امام کعبہ الشیخ عبد الرحمن السیدیس نے الریاض میں پاکستان علماء کونسل کے مرکزی چیئرمین حافظ محمد طاہر محمود اشرفی سے ملاقات کرتے ہوئے کہی۔ انہوں نے کہا کہ پاکستان ملت اسلامیہ کیلئے عزت اور راحت کا سبب ہے، جو لوگ پاکستان

کو کمزور کرنا چاہتے ہیں وہ امت مسلمہ کے خیر خواہ نہیں ہو سکتے۔ ا نہوں نے کہا کہ لاہور اور دیگر مقامات پر ہونے والے بم دھماکے اور خود کش حملے اسلام اور مسلمان دشمن لوگوں کی کاروائیاں ہیں جو مسلم ممالک کو کمزور کرنا چاہتے ہیں اور اسلام کو بدنام کرنا چاہتے ہیں۔ انہوں نے شہداء کے لواحقین اور زخمیوں کیلئے خصوصی طور پر دعا کروائی اور کہا کہ غم کے ان لمحات میں ہم پاکستان کی حکومت، فوج اور عوام کے ساتھ ہیں ۔انہوں نے شہداء کے لواحقین اور زخمیوں کیلئے خصوصی طور پر دعا کروائی اور کہا کہ غم کے ان لمحات میں ہم پاکستان کی حکومت، فوج اور عوام کے ساتھ ہیں .پاکستان علماء کونسل کے مرکزی چیئرمین حافظ محمد طاہر محمود اشرفی نے کہا کہ بے گناہ انسانیت کو قتل کرنے والے اسلام اور مسلمانوں کی بدنامی کا باعث بن رہے ہیں ۔الشیخ عبد الرحمن السدیس نے کہا کہ ان شاء اللہ دہشت گرد اپنے مذموم عزائم میں ناکام ہوں گے اور پاکستانی قوم اور پاکستان کے وطن کو استحکام اور امن نصیب ہو گا۔ امام کعبہ نے کہاکہ مقامات مقدسہ کے تحفظ کے حوالے سے پاکستانی کی نیک نیتی ،خلوص اورکاوشیں کسی سے بھی ڈھکی چھپی نہیں ۔انہوں نے کہاکہ 1979میں خانہ کعبہ پرحملے کی مذموم کوشش کوناکام بنانے میں پاک فوج کاجوکردارہے وہ بڑی اہمیت اورتعریف کاحامل ہے ۔

موضوعات:امام کعبہ