اسلام آباد (مانیٹرنگ ڈیسک)پاکستان نے بھارت میں ہونے والی جنوبی ایشیائی ممالک کی 2روزہ سپیکرز کانفرنس کا بائیکاٹ کر دیا ۔ یہ کانفرنس 18فروری سے بھارتی ریاست مدھیہ پردیش کے شہر اندور میں شروع ہوگی ۔کانفرنس کا مقصد جنوبی ایشیا میں غربت ،ترقی ،ماحول کے خدشات کا جائزہ لینا اور ان کے حوالے سے اقدامات کرنا ہے ۔سپیکر ایاز صادق نے اس سلسلے میں بھارت کی جانب

سے ملنے والی دعوت کو رد کر دیا ۔پاکستان کی جانب سے بھارتی کانفرنس کے بائیکاٹ سے ہندوستان کا دنیا بھر میں سبکی کا سامنا ہے۔ واضح رہے کہ پاکستان اور بھارت کے مابین تعلقات گزشتہ کئی ماہ سے کشیدہ ہیں اور بھارت کی جانب سے پاکستانی سرحد پر کئی بار سیز فائر کی خلاف ورزیاں بھی کی جاتی رہی ہیں۔