جدہ (آئی این پی)سعودی عرب کے شہر جد ہ میں دورن لینڈنگ عراقی طیارے کے پہیے میں آگ لگ گئی تاہم  تمام مسافروں کو بچا لیا گیا ۔سعودی عرب کے سرکاری میڈیا کے مطابق عراقی ایئر ویز کے ایک مسافر طیارے کی سعودی عرب میں لینڈنگ کے وقت اس جہاز کے ایک پہیے میں آگ لگ گئی

تاہم اس واقعے میں کوئی شخص ہلاک یا زخمی نہیں ہوا۔ سعودی پریس ایجنسی کے مطابق ایمرجنسی عملے نے اس عراقی طیارے کے 356 مسافروں کو انتہائی کم وقت میں ہوائی جہاز سے بحفاظت باہر نکال لیا۔ طیارے کے ایک پہیے میں آگ اس وقت لگی، جب وہ جدہ کے شاہ عبدالعزیز انٹرنیشنل ایئر پورٹ پر اتر رہا تھا۔

موضوعات:جہاز