ابو ظہبی(آئی این پی)متحدہ عرب امارات کی ریاست ابو ظہبی میں خاتون نے بچے کو جنم دیتے ہی گلا گھونٹ کر قتل کردیا ، عدالت نے ملزماں کو عمر قید کی سزا سنا دی ۔غیر ملکی میڈیا کے مطابق ابو ظہبی میں ملازمہ ایشیائی مرد کے ساتھ ناجائز تعلقات استوار کر رکھے تھے ،خاتون نےجب آشنا کو اپنے حمل کے بارے میں بتا یا تو وہ مرد ملازمہ کو چھوڑ کر بھاگ گیا جس پر ملازمہ نے انتہائی بے رحمی کے ساتھ بچے کو جنم دے کرقتل کردیا۔
متحدہ عرب امارات کے شہری اور ملازمہ کے سپانسر نے بچے کی لاش برآمد کر لی اور پولیس سے رابطہ کیا ۔پولیس نے ملازمہ کو گرفتار کر لیا جس کے بعد ملازمہ نے اعتراف کیا کہ اس کے ایک ایشیائی مرد کے ساتھ نا جائز تعلقات تھے ،جب ملازمہ نے اسے آنے والے بچے کی خبر سنائی تو وہ غائب ہو گیا ۔ ملازمہ نے گھر کے کمرے میں بچے کو جنم دیا ،پھر گلا دبا کر اس کا قتل کردیا اور اس کی لاش کو بیگ میں پھینک کر اپنے روز مرہ کے کاموں میں لگ گئی ۔ بعد ازاں عدالت نے ملزماں کو عمر قید کی سزا سنا دی۔
