نیو میکسیکو(مانیٹرنگ ڈیسک)دنیا بھر میں اعلیٰ ترین جنگی ٹیکنالوجی رکھنے کا دعویٰ کرنے والے امریکہ کی فضائیہ نے جنگی مشقوں کے دوران اپنے ہی فوجیوں پر بمباری کر دی، جس کے نتیجے میں ایک شخص ہلاک اور ایک زخمی ہو گیا۔ بتایا گیا ہے کہ واقعہ نیو میکسیکو کے ہولومین ائیرفورس بیس کے قریب پیش آیا جہاں جنگی مشقیں جاری تھیں کہ اس

دوران 2 ایف سولہ طیاروں نے زمین پر موجود اپنے ہی اہلکاروں پر بم برسا دیے۔بمباری سے ایک اہلکار ہلاک اور ایک زخمی ہو گیا۔مقامی میڈیا کا کہنا ہے کہ ہلاک ہونے والا سول کنٹریکٹر تھا۔فوری طور پر ذمہ داروں کا تعین نہیں کیا جا سکا تاہم تحقیقات شروع کر دی گئی ہے ۔امریکہ فضائیہ کی اس فاش غلطی پر امریکی عوام میں شدید غم و غصہ پایا جا رہا ہے اور دنیا کی بہترین فوج کے دعویداروں کی کارکردگی پر سوالیہ نشان اٹھایا جا رہا ہے۔

موضوعات:امریکی فضائیہ