بغداد(این این آئی)عراقی رکن پارلیمنٹ کا شراب خانے دوبارہ کھولنے کا وعدہ،عراق میں جاری دہشت گرد کارروائیاں مذہبی جنگ ،ملک کو تباہ کر دیاگیا،رکن پارلیمنٹ کی گفتگو،عراق میں سیاسی اتحاد دی ڈیموکریٹک سول الائنس سے تعلق رکھنے والے ایک رکن پارلیمنٹ فائق الشیخ علی نے عرب ممالک سے عراق کی سپورٹ اوراس کے ساتھ کھڑے ہونے کا مطالبہ کیا ہے۔
عرب ٹی وی کے مطابق رکن پارلیمنٹ فائق کا کہنا تھا کہ عربوں کو چاہیے کہ ہمارے ساتھ ہوں۔ ساتھ ہی انہوں نے داعش تنظیم کے خلاف جنگ میں عرب افواج کو دعوت دینے کی تردید کی اور کہا کہ یہ عراقی فوج کی ذمے داری ہے، فائق نے عراق میں جاری دہشت گرد کارروائیوں کو مذہبی جنگ قرار دیا جس نے ملک کو تباہ کر دیا۔
