مکہ مکرمہ (مانیٹرنگ ڈیسک) سعودی عرب کے شہرمکہ مکرمہ میں ایک دکاندارنے گاہکوں کی ایمانداری کوچانچنے کےلئے اپنی دکان پرایک بورڈلگادیاہے جس پرلکھاہے کہ ’’جوچاہتے ہیں لے جائیں اورجتناچاہتے ہیں اداکریں ‘‘۔اس دکاندارنے اپنے کیشئرکی بھی چھٹی کردی ہے ۔

میڈیارپورٹس کے مطابق مکہ مکرمہ کی ایک معروف بیکری کے مالک نے سی سی ٹی وی کیمروں ،اکائونٹس کی جانچ پڑتال اوراپنے کیشئرکے روزروزکے نخروں سے چھٹکاراپانے کےلئے سیلف سروس کایہ نیاطریقہ اپنایاجس پرگاہکوں نے جب یہ بورڈ دیکھاتوانہوں نے بھی کمال ہی کردیاکہ ان کےلئے بھی مختلف قسم کے جھنجھٹ ختم ہو گئے ہیں ۔بیکری کے مالک کے اس اقدام پرانہوں نے عمل کردکھایا۔جبکہ دوسری طرف جب مالک نے اپنی آمدن کااندازہ لگایاتواس کوپہلے کی نسبت زیادہ آمدن ہوئی ۔بیکری کے مالک نے اپنے اس اقدام کے بارے میں گفتگوکرتے ہوئے بتایاکہ اس کایہ نیااقدام بہت ہی زیادہ فائدہ مندثابت ہواہے ایک طرف اس نے لوگوں کی ایمانداری کوبھی چیک کرلیاہے اورساتھ ہی ایسے لوگ جوپیسے ادانہیں کرسکتے وہ سامان لے جاتے ہیں اوربعدمیں پیسے بھی خودہی اداکرجاتے ہیں ۔اس نے بتایاکہ یہ تجربہ دیڑھ سال قبل کیاتھاجوکہ اب بھی بہت ہی کامیاب جارہاہے اوربیکری پرمعیاری اشیاہیں جبکہ ان کی قیمتیں بھی معقول ہیں۔انہوں نے مزید بتایاکہ عوام پراعتمادکیاجائے توحکومت کوسکیورٹی کے اقدامات پرکم خرچ کرناپڑے گاجبکہ ایسے اقدامات کرنے سے غریب افراد کوبھی اپنی روزمرہ کی ضروریات عزت کے ساتھ پوری کرسکیں گے ۔

موضوعات:مکہ مکرمہ