ابوجہ(این این آئی)نائجیریا کی فضائیہ نے ’بوکوحرام ‘کے شبے میں پناہ گزین کیمپ پر بمباری کردی ۔حملے میں100سے زائد افرادہلاک ہوگئے ،یہ حملہ نائجیریا اور کیمرون کی سرحد کے قریب کیا گیا جہاں فوج ’بوکوحرام ‘کے جنگجووں سے لڑ رہی ہے،نائجیریا کے صدر محمد بخاری نے اس جانی نقصان پر اپنے دکھ کا اظہار کرتے ہوئے لوگوں سے صبر کی درخواست کی ہے،غیرملکی خبررساں ادارے کے مطابق نائجیریا کی فوج نے اعتراف کیا کہ سرکاری فضائیہ نے ملک کے شمال مشرقی علاقے رن میں حادثاتی طور پر حملہ کرکے متعدد عام شہریوں کو ہلاک اور زخمی کردیا۔
یہ حملہ نائجیریا اور کیمرون کی سرحد کے قریب کیا گیا جہاں فوج ’بوکوحرام ‘کے جنگجووں سے لڑ رہی ہے۔فوج کے ترجمان میجر جنرل لکی ارابور نے کہا کہ جیٹ طیارے کے ہواباز نے غلطی سے سمجھ لیا کہ وہ جنگجووں کو نشانہ بنا رہا ہے۔ اس علاقے میں ’بوکوحرام‘ کے جنگجو جمع ہونے کی اطلاع تھی۔نائجیریا کے صدر محمد بخاری نے اس جانی نقصان پر اپنے دکھ کا اظہار کرتے ہوئے لوگوں سے صبر کی درخواست کی ہے۔

موضوعات:نائجیریا