اسلام آباد (مانیٹرنگ ڈیسک)برطانوی اخبار کی رپورٹ کے مطابق ماہرین نے پیش گوئی کی ہے کہ امریکہ میں خطرناک زلزلہ آ سکتا ہے ۔ برطانوی اخبارکی رپورٹ کے مطابق اس علاقے میں تین فالٹ لائنز موجود ہیں اور اس زلزلے کے نتیجے میں ان تینوں فالٹ لائنز پر انتہائی طاقتور زلزلے آنے کے امکانات روشن ہو گئے ہیں۔ ممکنہ زلزلے کے جھٹکوں کے اس سلسلے کی شدت 8سے تجاوز کر سکتی ہے، جو ہر چیز نیست و نابود کر دے گی۔برٹش جیولوجیکل سروے کے سائزمالوجسٹ ڈاکٹر راجر مسون کا کہنا تھا کہ ’’کیلیفورنیا میں برآلے کا یہ علاقہ انتہائی پیچیدہ فالٹس کے اوپر موجود ہے۔ اگر برآلے کے شمالی اور جنوبی زونز ایک ساتھ زلزلے کا شکار ہوگئے تو یہ زلزلہ قیامت خیز ہو گا۔ چھوٹے زلزلوں کے ردعمل کے تسلسل سے ان دونوں خطوں میں بیک وقت زلزلہ آنے کا امکان بڑھ گیا ہے، جس کی زد میں لاس اینجلس اور سین ڈیاگو جیسے بڑے شہر بھی آئیں گے۔‘‘ واضح رہے کہ گزشتہ صدی میں کیلیفورنیا میں سب سے بڑا زلزلہ 1906ء میں آیا تھا جس میں 3ہزار لوگ ہلاک ہو گئے تھے جبکہ سین فرانسسکو کا 80فیصد علاقہ تباہ ہو گیا تھا۔

موضوعات:امریکہ زلزلہ