بیجنگ (آئی این پی ) چین نے کہا ہے کہ اگر امریکی ہتھیار خطرے کا باعث بنے اس ان کا منہ توڑ جواب دیا جائے گا ، امریکہ کی جانب سے بحیرہ جنوبی میں اسلحے میں اضافہ چین کیلئے سیکورٹی خطرہ ہے ، ہماری بحیرہ جنوبی پر مکمل نظر ہے ۔ چائنہ ریڈیو انٹرنیشنل کے مطابق چین کی ملٹری سائنس اکیڈمی اور چین امریکہ ریسرچ سنٹر کے ڈائریکٹر زا سیاو چو نے کہاہے کہ امریکہ کی طرف سے بحیرہ جنوبی چین میں اسلحے کی تعداد میں اضافہ چینی سر زمین کے لیے خطرہ ہے ، اطلاعات کے مطابق امریکی فوج علاقے میں مزید ہتھیار تعینات کرنے کا ارادہ رکھتی ہے۔
انہوں نے کہا اگر امریکی ہتھیار خطرے کا باعث بنے اس ان کا منہ توڑ جواب دیا جائے گا ۔ انہوں نے کہا امریکی فوج بحیرہ جنوبی چین تھامنے کیلئے نئے حربے تلاش کر رہی ہے لیکن ہم دیکھیں گے کہ یو ایس ایس کارل ونسن یہاں کتنی دیر رہیں گے ، یہ صرف مشقیں منعقد کرنے کیلئے ایک جہاز یا پھر ایک طویل قیام کا بہانہ ہے اور کس حد تک چین کے مقبو ضہ جزائر سے ہے اس پر ہماری نظر ہے زا نے کہا کہ موبائل آرٹلری یونٹس کو نافذ کرنے کی وجہ فوری طور پر جنوبی چین کے سمندر ی جزائر کے نزدیک کسی بھی تنازعے میں مداخلت کے لئے ہو گا۔
