ممبئی(آئی این پی)ایٹمی سپلائرزگروپ میں شمولیت کے خواہشمند بھارت میں مکروہ دھندہ بے نقاب،لاکھوں انسانوں کی زندگیاں داؤ پر لگ گئیں،بھارت میں ممنوعہ یورنیم کی اسمگلنگ کا دھندا بے نقاب ہوگیا۔ پولیس نے ممبئی میں کارروائی کرتے ہوئے نو کلو گرام تابکار اور زہریلی یورنیم برآمد کرکے دو افراد کو حراست میں لے لیا۔

بھارت کی سرکاری لیبارٹری کی جانب سے بھی اس یورینیم کے ڈیپلیٹڈ یورینیم ہونے کی تصدیق کردی گئی ہے۔ ڈیپلیٹڈ یورینیم یورینیم دو سو اڑتیس کا نام ہے جو یورینیم کی افزودگی میں بچ جانے سے نکلتی ہے، جبکہ ڈیپلیٹڈ یورینیم انتہائی زہریلے اثرات رکھتی ہے۔پولیس کے مطابق ملزمان یورینیم کو کروڑوں میں فروخت کرنے کا ارادہ رکھتے تھے، جبکہ اس یورینیم کو فوجی مقاصد کے لئے بھی استعمال کیا جاتا ہے۔

موضوعات:زندگیاں سپلائرزگروپ یورینیم