انقرہ(این این آئی)ترکی نے بین الاقوامی برادری سے اپیل کی ہے کہ اسے شامی شہر الباب میں داعش کے خلاف مزید فضائی مدد فراہم کی جائے۔ غیرملکی خبررساں ادارے کے مطابق الباب میں ترک فورسز اور داعش کے جنگجوؤں کے مابین شدید لڑائی جاری ہے۔ امریکا اور اس کے اتحادی ملک شام میں داعش کے خلاف کارروائیاں جاری رکھے ہوئے ہیں تاہم ابھی تک ان ممالک کی طرف سے ترک فورسز کو مدد فراہم نہیں کی گئی۔ ترکی نے اپنی سرحد سے ملحقہ شامی علاقے میں فرات شیلڈ نامی آپریشن شروع کر رکھا ہے اور ابھی تک اس لڑائی میں اس کے چھتیس فوجی مارے جا چکے ہیں۔