نئی دہلی(این این آئی)بھارت نے نماز جمعہ کیلئے مسلمانوں کو ناقابل یقین خوشخبری سنا دی .بھارتی ریاست اتر اکھنڈ میں تمام سرکاری دفاتر میں مسلمانوں کے لئے جمعہ کی نماز کے لئے 90منٹ کا خصوصی وقفہ دینے کا فیصلہ کردیا گیا ۔غیرملکی خبررسا ں ادارے کے مطابق ریاست میں حکمراںجماعت کانگریس کے وزیراعلیٰ ہریش راوت کی زیر صدارت کابینہ کے ایک خصوصی اجلاس میں اس کی منظوری دی گئی اور آئندہ جمعہ المبارک سے ساڑھے بارہ بجے سے دو بجے تک تمام مسلمان سرکاری ملازمین کے لئے نماز کا وقفہ ہو گا۔
واضح رہے کہ ریاست اتر اکھنڈ میں جلد ہی انتخابات ہونے والے ہیں اور مسلمانوں کا یہ مطالبہ تھا کہ انہیں جمعہ کی نماز کے لئے مناسب وقت کا وقفہ دیا جائے۔

موضوعات:بھارت نماز جمعہ