ایتھنز(این این آئی)یونانی عدالت نے کہاہے کہ یونان ترک فوج کے اہلکاروں کو واپس ترکی نہیں بھیجے گا۔ غیرملکی خبررساں ادارے کے مطابق ایک یونانی عدالت نے اپنے فیصلے میں کہاکہ ہیلی کاپٹر کے عملے کے ان آٹھ ارکان کی زندگیوں کو خطرہ ہے، اس لیے انہیں واپس ترکی نہیں بھیجا جا سکتا۔ پندرہ جولائی کو ترکی میں ناکام فوجی بغاوت کے بعد یہ آٹھوں فوجی یونان پہنچے تھے۔ یہ لوگ فوجی بغاوت میں ملوث ہونے اور ترک صدر رجب طیب ایردوآن کو قتل کرنے کی سازش میں شریک ہونے کے الزامات کو مسترد کرتے ہیں۔ ترک فوجی یونان میں زیر حراست ہیں اور ان میں تین کو اگلے دنوں کے دوران رہا کر دیا جائے گا