اسلام آباد (این این آئی)وزیر اعظم کے معاون خصوصی طارق فاطمی (آج) اتوار کو امریکہ کے دورے پر روانہ ہوں گے،نومنتخب امریکی صدر کی ٹیم کے ساتھ اہم ملاقاتیں بھی متوقع ہیں۔ڈونلڈ ٹرمپ کی بطور امریکی صدر کامیابی کے بعد سے پاکستان اور امریکہ کے درمیان تعلقات غیر یقینی کا شکار تھے، تاہم سفارتی ذرائع کے مطابق ڈونلڈ ٹرمپ اور وزیر اعظم نواز شریف کے درمیان ٹیلی فون پر بات چیت کے بعد برف پگھلتی ہوئی دکھائی دی ۔ذرائع کے مطابق طارق فاطمی کی نومنتخب امریکی صدر کی ٹیم کے ساتھ اہم ملاقاتوں کا بھی امکان ہے جس میں دو طرفہ تعلقات کو آگے بڑھانے کے حوالے سے امور زیر غور آئیں گے۔

موضوعات:امریکی صدر ڈونلڈٹرمپ وزیر اعظم