اسلام آباد (ایکسکلوژو رپورٹ ) قوموں کی تاریخ بدلنےکیلئے اوپر سے کبھی کوئی فرشتے نہیں اترتے بلکہ ہمیشہ وہی قومیں ترقی کی منازل طے کرتی ہوئی آسمان کی بلندیوں کو اس وقت چھوتی ہیں جب اس قوم کے معمار، اس کے اپنےافرادملک کو اپنا سمجھتے ہوئے اس کیلئے دل سے وہ کچھ کر جاتے ہیں جو وہ اپنے لئے بھی کرنا چاہتے ہیں ۔
کہنا تو نہیں چاہئیے تاہم بے فکروں کی جنت میرا وطن عزیز پاکستان جہاں کوئی کام ہونے کے بعد اس پر سوچ بچار کی جاتی ہے ، جہاں سڑک ٹوٹ جا ئے تو وہ ٹوٹی سڑک اور وہاں پڑے گڑھے قوم کی میراث کی طرح برسوں موجود رہتے ہیں مگر اس دنیا میں بسنے والے چند اور ممالک مثال میں جاپان کو ہی لے لیجئے ، جہاں کوئی بھی مسئلہ در پیش ہونے کے چند گھنٹوں میں اس کا تدارک کیاجاتا ہے ۔
گزشتہ ہفتے وہاں ایک سڑک میں اچانک ایک بڑے سوئیمنگ پول جتنا ایک گڑھا اچانک نمودار ہوا۔ تصاویر میں آپ اس گڑھے کی گہرائی اور چوڑائی کا بخوبی اندازہ لگا سکتے ہیں ۔ ٹریفک کی روانی متاثر ، لوگ شدید پریشانی کا شکار۔ پاکستان ہوتا ضرور وہ گڑھا بھرنےمیں کم از کم 1،2سال تو ضرور لیتا مگر وہ محنت پسندوں کا ملک تھا ۔ اپنے ملک کو خوبصورت بنانے والوں کاملک تھا ۔ 48گھنٹوں بعد اسی سڑک سے گزرنے والوں نے دیکھا کہ سڑک پہلے سے بھی زیادہ خوبصورت طریقے سے بن چکی تھی ۔ ذرا سوچئیے کہ یہی اگر پاکستان ہوتا تو کیا ہوتا ؟ ۔ایک اور حیران کن بات یہ بھی تھی کہ اس شہر کے مئیر نے عوام سے ان 48گھنٹوں کی تکلیف کی معزرت بھی کی ۔