کابل(این این آئی)جنوبی افغان صوبے ہلمند میں طالبان اور سکیورٹی فورسز کے درمیان جھڑپوں میں گزشتہ دس روز میں دو سو سے زائد سکیورٹی اہلکار ہلاک ہوئے، ہلاک ہونے والوں میں پولیس اور فوج کے اہلکار شامل ہیں، جب کہ قریب 45 عام شہری بھی طالبان کے ان حملوں میں مارے گئے ،افغان میڈیا کے مطابق صوبائی کونسل کے نائب سربراہ عبدالمجید اخوند زادہ نے صحافیوں کو بتایا کہ ہلاک ہونے والوں میں پولیس اور فوج کے اہلکار بھی شامل ہیں،جب کہ قریب 45 عام شہری بھی طالبان کے ان حملوں میں مارے گئے ۔ اخوند زادہ نے بتایا کہ ان جھڑپوں میں سکیورٹی فورسز کے ایک سو سے زائد اہلکار زخمی بھی ہوئے ۔انہوں نے بتایاکہ طالبان شہر لشکر گاہ کے مرکز پر قبضے کے لیے مختلف اطراف سے حملے کر رہے ہیں۔

موضوعات:افغان سیکورٹی