اسلام آباد(مانیٹرنگ ڈیسک) بھارت میں اچانک ماتم برپا ہو گیا جب ایک مذہبی تقریب کے دوران بھگدڑ مچ گئی ۔ تفصیلات کے مطابق ہندوستان میں مذہبی تقریب کے دوران بھگڈڑ مچ گئی جس کے نتیجے میں 12یاتری ہلاک جبکہ 22 افراد زخمی ہو گئے ہیں۔ بھارتی میڈیا کا کہنا ہے کہ یہ حادثہ بنارس میں راج گھاٹ کے مقام پر پیش آیا جس کے نتیجے میں 12افراد ہلاک ہوئے ۔ ذرائع کا مزید کہنا تھا کہ صورتحال کا صحیح اندازہ ابھی مکمل طور پر نہیں لگایا جا سکا تاہم مزید ہلاکتوں کا خدشہ لگایا جا رہا ہے۔ حادثے کے فوراً بعد امدای ٹیموں نے جائے حادثہ پر پہنچ کر امدادی کارروائیوں کا آغاز کر دیا ہے ۔