واشنگٹن(این این آئی)امریکی محکمہ خارجہ کے ترجمان صحافیوں کی جانب سے بھارت کے سرجیکل اسٹرائیک سے متعلق پوچھے گئے سوالات پر برہم ہوگئے اورجواب دیا ہے کہ بھارتی افواج کے سرجیکل اسٹرائیک سے متعلق بھارت سے پوچھا جائے،غیرملکی خبررساں ادارے کے مطابق واشنگٹن میں بریفنگ کے دوران امریکی محکمہ خارجہ کے ترجمان نے پاکستان میں بھارتی سرجیکل اسٹرائیک کی تصدیق سے انکار کرتے ہوئے کہا کہ انہیں بھارتی سرجیکل اسٹرائیک کا کوئی علم نہیں صحافیوں سے گزارش ہے کہ وہ بھارت سے سرجیکل اسٹرائیک سے متعلق سوالات کریں۔مسئلہ کشمیر سے متعلق سوال پرجان کربی کا کہنا تھا کہ مسئلہ کشمیر پر دو طرفہ مذاکرات کی ضرورت ہے پاکستان اور بھارت کو چاہیے کہ وہ مسئلہ کشمیر سمیت دیگر تمام تنازعات بات چیت کے ذریعے حل کریں۔

موضوعات:امریکی محکمہ خارجہ