ممبئی (مانیٹرنگ ڈیسک )ممبئی میں بیٹھ کر امریکی شہریوں سے پانچ سو کروڑ روپے لوٹنے والا لٹیروں کا گینگ پکڑا گیا ۔میڈیارپورٹس کے مطابق جعلی کال سینٹر کے پاس ٹیکس نہ دینے والے امریکیوں کا ڈیٹا تھا، یہ گینگ امریکی شہریوں کو فون کرتا اور بلیک میل کر کے خوب پیسے بٹورتا تھا۔ممبئی پولیس نے نو کال سینٹر کے سات سو سے زائد ملازمین کو گرفتار کرلیا۔یہ بھارت کی تاریخ میں فراڈ کی ایک بڑی واردات ہے۔بھارتی پولیس کے مطابق گروہ امریکیوں سے روزانہ ڈیڑھ لاکھ ڈالر سے زیادہ کی رقوم ہتھیا رہا تھا۔پولیس کے مطابق ممبئی کے علاقے تھانے میں قائم جعلی سینٹر میں موجود ٹھگوں کے اس گروہ نے ٹیکس نہ دینے والے امریکیوں کا ریکارڈ حاصل کرلیا تھا،کال سینٹرسے امریکی شہریوں کو فون کیا جاتا اور ٹیکس ادا نہ کرنے پر ڈرایا دھمکایا جاتاتھا ۔اس جعلی کال سینٹر سے فون کرنے والا خود کو امریکا کے ٹیکس ادارے اِن لینڈ ریونیو سروس کا اہلکار ظاہر کرتا۔پولیس نیکال سینٹر پرچھاپہ مار کر 750 سے زائد افراد کو حراست میں لیا،70 کو باضابطہ گرفتار کرکے دیگر کو ضمانت پررہا کر دیا،بھارتی پولیس نے مزید تحقیقات کے لیے امریکی ادارے ایف بی آئی سے رابطہ کرلیا ہے۔
دوسری جانب امریکہ بھارت تعلقات میں تاریخی موڑ،پاکستان روس سے مزید قریب ہوجائیگا،امریکہ نے بھارت سے دفاعی تعلقات میں اضافے کے لئے پہلی بار محکمہ دفاع پنٹاگون میں خصوصی سیل قائم کردیا۔ دونوں ملکوں نے طیارہ بردار بحری جہاز کی تیاری پر مذاکرات بھی شروع کردیئے پنٹا گون میں کسی مخصوص ملک کےلئے امریکہ میں قائم کیا گیا یہ پہلا سیل ہے جسے انڈین ریپڈ ری ایکشن سیل کا نام دیا گیا یہ سیل بھارتی فوج کی دفاعی ضروریات کے حوالے سے مشترکہ پیداوار کے منصوبوں کو بھی منظم کرے گا۔سیل کے سربراہ کیتھ ویبسٹر نے میڈیا کو بتایا کہ دونوں ممالک 4 مشترکہ پیداواری منصوبوں پر کام کررہے ہیں، جن میں ڈرون اور فضائی نگرانی کرنے والے سی 130 جے سوپر ہرکولیس طیاروں سمیت دیگر منصوبے شامل ہیں۔انہوں نے بتایا کہ بھارت اور امریکہ نے اگلی نسل کے طیارہ بردار بحری جہاز کی مشترکہ پیداوار کے لیے مذاکرات کا آغاز کردیا ہے۔ تجزیہ نگاروں کا کہنا ہے کہ امریکہ بھارت بڑھتی ہوئی فوجی قربتوں کی وجہ سے پاکستان اور روس ایک دوسرے کے مزید قریب آنے پر مجبور ہورہے ہیں امریکہ بھارت شراکت داری دنیا میں نئے فوجی، سیاسی اورمعاشی منظر نامے کو مرتب کرنے میں انتہائی اہم کردار اداکررہی ہے جس کی وجہ سے کل کے دشمن آج کے دوست بنتے نظر آرہے ہیں۔

موضوعات:500 کروڑ کا چونہ امریکہ بھارت شہری