اسلام آباد (ایکسکلوژو رپورٹ)پاکستان کو بڑی کامیابی مل گئی۔ بھارت میں سوگ طاری۔ ترکی میں حالیہ فوجی بغاوت کے بعد ترک قیادت کی جانب سے پاکستان کو بڑی تعداد میں سپر مشاق طیارے خریدنے کا آرڈر دے دیا گیا۔تفصیل کے مطابق پاکستان ترکی کو 100 مشاق طیارے فراہم کرے گا۔اس سلسلے میں معاہدے کی تیاری آخری مراحل میں ہے اوراس پرجلد ہی دستخط ہونے والے ہیں۔وزیراعظم نے اس معاہدے میں گہری دلچسپی لی ہے۔ وزارت دفاعی پیداوار کی ترجمان نے ایک بیان میں بتایا ہے کہ دونوں برادر ملکوں کے درمیان اس معاہدے سے تعلقات مزید مستحکم ہونگے اور پاکستان کو بہت بڑا زرمبادلہ حاصل ہوگا۔ اس کے ساتھ ساتھ پاکستان ایروناٹیکل کمپلیکس کامرہ کیلئے بھی یہ کامیابی باعث افتخار ہے۔اس سے قبل فلیٹ ٹینکر کی تیاری دونوں ممالک کے درمیان باہمی تعاون کی اہم مثال ہے۔ کراچی شپ یارڈ میں پاک بحریہ کیلئے فلیٹ ٹینکر کا افتتاح اگست میں کیا گیا تھا۔ یہ ٹینکر ترکی کے تعاون سے بنایا گیا ہے۔

افتتاحی تقریب میں دونوں ممالک کی اہم ترین شخصیات نے شرکت کی تھی۔ آگسٹا آبدوزوں کی وسط مدتی اپ گریڈیشن کیلئے ترکی کی کمپنی اور وزارت دفاعی پیداوار کے درمیان معاہدے پر پہلے ہی دستخط ہو چکے ہیں۔ یہ معاہدہ پاک بحریہ کی موجودہ آبدوزوں کی صلاحیت کو بڑھانے میں اہم کردار ادا کرے گا اور دونوں ملکوں کے دفاعی پیداوار کے شعبے میں تعلقات مزید مستحکم ہونگے۔واضح رہے کہ مشاق طیاروں کی اتنی بڑی تعداد میں کسی بھی ملک کو فراہمی پاکستان کیلئے پہلا موقع ہے۔ واضح رہے کہ وزیر دفاعی پیداوار رانا تنویر حسین کے مطابق کامرہ میں سپر مشاق اور جے ایف 17 تھنڈر طیارے بنائے جارہے ہیں۔ ہم اپنی ضروریات کا 80 فیصد مقامی سطح پر تیار کر رہے ہیں جب کہ 20 فیصد باہر سے درآمد کرتے ہیں۔ ترکی کے ساتھ مشاق طیارے کی فراہمی کا معاہدہ ہوا ہے۔ اس کے علاوہ جے ایف 17 تھنڈر طیاروں کی برآمد کے حوالے سے بھی 8 ممالک سے بات چیت جاری ہے۔

موضوعات:پاک بھارت کشیدگی پاکستان ترکی تعلقات مشاق طیارہ