اسلام آباد (مانیٹرنگ ڈیسک )بھارتی جنگی جنون پھیکا پڑنے لگا ، پاکستان کیخلاف سرجیکل سٹرائیک کا جھوٹا دعویٰ کرنے والے بھارتی وزیراعظم نریندرا مودی نے کابینہ میں اٹھائے جانےوا لے سوالات سے تنک آکر سرجیکل سٹرائیک پر بات کرنے سے منع کر دیا ۔ بھارتی میڈیا کے مطابق نریندر مودی کی زیر صدارت کابینہ کا اجلاس ہوا جس میں تمام اراکان کے منہ پر ایک سوال تھا ، جب سرجیکل سٹرائیک کا سوال بار بار دہرایا جانے لگا تو وزیراعظم نے اس معاملے پر بات کرنے سے منع کر دیا ، ان کا کہنا تھا کہ سرجیل اسٹرائیک پر صرف وہی لوگ بات کریں جو اس کے مجاذ ہیں۔ لہٰذا اس پر اب کوئی بات نہیں کرے گا۔واضح رہے کہ اڑی حملے کے بعد بھارت نے لائن آف کنٹرول پر ہونے والے بلااشتعال فائرنگ کی گئی تھی جس میں پاکستان کے دو فوجی جوان شہید جبکہ بھارت کے 14فوجی ہلاک اور 3چوکیوں تباہ ہوئیں تھیں ۔
دوسری طرف برطانوی اخبار نے اْڑی ڈرامے کے بعد جنگی جنون میں پاگل بھارتیوں کی تیاریوں کے حوالے سے چشم کشا حقائق کا انکشاف کرتے ہوئے کہاہے کہ بھارتی فوج فیصلہ کن جنگ کے لئے کنٹرول لائن کے ساتھ ساتھ زیر زمین بنکروں کی تیاری میں مصروف ہے جبکہ بڑی تعداد میں ہتھیار بھی ان بنکروں میں پہنچائے جارہے ہیں۔برطانوی اخبار کے مطابق بنکر بنانے کا کام پچھلے دو ہفتوں سے کافی تیزی سے جاری ہے۔برطانوی اخبار کے رپورٹرنے ایل او سی پر اڑی کے نزدیک ملٹری چیک پوسٹ کے دورے کے دوران مشاہدہ کیا کہ بھارت خاموشی سے کسی فیصلہ کن جنگ کی تیاریوں میں مصروف ہے ، یہ بھارتی فوجی پہلے کینوس کے خیموں میں سوتے تھے لیکن اب یہ چھ فٹ چوڑے اور دس فٹ لمبے سیمنٹ اور پتھروں سے بنے زیر زمین بنکر میں رہتے ہیں ، یہ بنکر کسی چھوٹے ہتھیار کے فائر سے باآسانی بچا سکتے ہیں۔ایل او سی کے ساتھ واقع گاؤں کے رہائشیوں نے بتایا کہ انکے گھروں کو جانیوالے راستوں پر پہلے دو تین بنکر تھے جو اب پچاس تک پہنچ چکے ہیں ۔دوسری جانب بھارتی میڈیا نے بھارتی فوجی جنرلوں کے حوالے سے کہا کہ وہ اپنی حکومت سے آزاد کشمیر میں چھ ماہ کیلئے خفیہ کارروائیوں کی اجازت مانگ رہے ہیں