نئی دہلی (این این آئی)کانگریس لیڈر سنجے نروپم نے بھارتی جھوٹ کا پول کھولتے ہوئے کہاہے کہ سرجیکل سٹرائیک ہوا ہی نہیں ٗپاکستان کے خلاف سرجیکل سٹرائیک جعلی تھا ٗ مودی حکومت عوام کی ہمدری اور ووٹ حاصل کرنے کے لیے جھوٹے دعوے کررہی ہے۔کانگریس لیڈر نے میڈیا سے گفتگو کرتے ہوئے کہا کہ سرجیکل سٹرائیک کا دعویٰ سیاست چمکانے کیلئے کیا گیا ٗانہوں نے اس موقع پر سرجیکل سٹرائیک پر سوالات اٹھائے ٗانہوں نے کہا جب تک نریندر مودی کی حکومت ثبوت پیش نہیں کرتی وہ سرجیکل سٹرائیک کے دعوے کو جھوٹ کہتے رہیں گے۔سنجے نروپم نے کہا کہ حکومت ثبوت دینے کے بجائے ڈھول بجا رہی ہے ۔