ماسکو (مانیٹرنگ ڈیسک) روس نے2017 ء میں بھی پاکستانی فوج کے ساتھ جنگی مشقیں کرنے کا اعلان کیا ہے۔ روسی میڈیا کے مطابق روسی فوج کے سربراہ کا کہنا ہے کہ 2017ء میں ایک بار پھر روسی فوج پاکستانی فوج کے ساتھ جنگیں مشقوں میں حصہ لیں گی۔ اس کے علاوہ بھارت اور منگولیا کے ساتھ بھی فوجی مشقیں کی جائیں گی۔ واضح رہے روسی فوج ان دنوں دوستی فوجی مشقوں کے لئے پاکستان میں موجود ہیں جو 24 ستمبر سے10 اکتوبر تک جاری رہیں گی۔ اوڑی حملے کے بعد بھارتی میڈیا نے واویلا کیا تھا کہ بھارت کے دبائو پر روس نے پاکستان کے ساتھ ہونے والی مشترکہ جنگی مشقیں منسوخ کردی ہیں لیکن تمام تر منفی پراپیگنڈا کے باوجود روسی فوجی دستوں نے جنگی مشقوں کے لئے پاکستان آ کر نہ صرف بھارت کا جھوٹ اس کے منہ پر دے مارا بلکہ آئندہ سال بھی پاکستان کے ساتھ جنگی مشقوں کا اعلان کیا۔

موضوعات:روسی فوج