اسلام آباد(مانیٹرنگ ڈیسک) بھارتی فضائیہ کا تربیتی جنگی طیارہ جیگوار پوکھران کے علاقے میں گر کر تباہ ہو گیا۔ واضح رہے کہ ایک طرف بھارت جنگی جنون میں پاکستان کو للکارے جا رہا ہے تو دوسری طرف بھارت کے جنگی طیارے مسلسل تباہی کا شکار ہو رہے ہیں۔ واضح رہے کہ اس سے قبل بھی بھارتی فضائیہ کا یہ سی 130 طیارہ وسطی ریاست مدھیا پردیش کے علاقے گوالیار کے قریب گر کر تبا ہ ہوا۔تباہ ہونے والا جہاز ان چھ طیاروں میں سے ایک تھا جو بھارت نے 2011 میں امریکہ سے خریدے تھے۔ اس فضائی حادثے کی فوری طور پر وجوہات کا تعین نہیں کیا جا سکا ہے۔سی 130 طیارے کئی مقاصد کے لیے استعمال ہو سکتے ہیں۔ بھارت میں یہ طیارہ اترکھنڈ میں آنے والے سیلاب میں امدادی کارروائیوں کے لیے بھی استعمال کیا گیا تھا۔